Pekelder Proatcafé

Foto ingezonden door: Bram Wiekens

BOVEN PEKELA – Oktobermoand wordt traditioneel t Pekelder Proatcafé opend, dit joar al weer veur t daarde seizoen. ’t Stee, woar alle Pekelders en aander belangstellenden welkom binnen, mor veural de plek, woar sprekers nuigd worden om joe mit te nemen noar interessante periodes oet Pekelder verleden.

Op 15 oktober 2019 is t zo wied en binnen je den ook van harte welkom in dörpshoes ‘De Riggel’ Noorderkolonie 13 in Boven Pekel.
Oavend begunt om haalf acht ( inloop vanòf 7 uur ) .

Onderwaarpen dij op t pergram stoan, binnen:

Ain veurdracht van Menno de Lange, dij ons mitnemt noar ontstoan en wordingsgeschiedenis van Veenkolonies. Hai is bekìnd as schriever van boerderijenbouk over Zuudwenden, mor wait ook t ainentaander van boerderijen op de Wieke en in Pekel. Van jongs af aan is e interesseerd in zien veurolders ( De Lange, Tjabbes en Stuut ), dij oet dizze kontraainen kommen.

Bram Wiekens vertelt zien aigen Veenkelonioal verhoal en de meziek wordt verzörgd deur t duo G&G

Nogal wat om noar oet te kieken, liekt ons zo. Wie zain joe den ook groag op 15 oktober.

Ingezonden.

Op het beeldmateriaal op de website van RTV Westerwolde rusten auteursrechten.