Pekelder Proatcafé op 26 november in De Binding

Eigen foto

OUDE PEKELA – Pekelder Proatcafé is t stee, woar elkenain welkom is en zok ook thoes voulen mag. Dé plek, woar je n òfwizzelnd pergram veurschuddeld kriegen. Woar sprekers joe mitnemen op n raaize noar t interessante verleden van Pekel, woar vertellers veur t voutlicht kommen en muzikanten n podium kriegen.

Op 26 november 2019 is t weer zo wied en worden joe van haarten nuigd in dörpshoes ‘De Binding’ aan Sportloan 4 in Olde Pekel.

Oavend begunt om 19.30 uur ( inloop vanòf 7 uur )

Pergram veur dizze oavend zugt der zo oet:

  • Ger Blokzijl, old-verslaggever van ondermeer Pekelder Blad let foto’s zain van t Olde Pekel van de joaren ’70. Ger, opgruid in t Pekel van de 60-er en 70-er joaren wil de tied van dou mit zulfmoakte foto’s – kiekjes volgens aigen zeggen – vannijs leven loaten. Hai hoopt dat de beelden bie de mìnsen veul olde, mor veural weerdevolle herinnerns noar boven brengen.
  • Schriever Bram Wiekens zet mit zien verhoal de tiedsklokke zulvens nog n stokje verder terogge, noar de tied zo rond 1960.
  • Muziek wordt verzörgd deur intussentied wel bekìnde Grunneger zanger en entertainer Bob Heidema

Wie zain joe groag op 26 november

Om alvast te noteren:

  • 4 febewoarie 2020 – lezen over ‘imperium Foto Kral’ – meziek ‘mister Cash’ Krzysztof Groen
  • 17 meert 2020 – lezen ‘75 joar bevrijden’ – meziek klezmer band

Ingezonden.

Op het beeldmateriaal op de website van RTV Westerwolde rusten auteursrechten.