Ger Blokzijl te gast bij Pekelder Proatcafé

Foto: Ger Blokzijl

OUDE PEKELA – Op 26 november is er weer het Pekelder Proatcafé. Een van de gasten is oud verslaggever Ger Blokzijl. Hij neemt de gasten mee op reis door Pekela, over Menno Stutje en het schoonwaterfeest. In deze periode van rijmpjes en gedichtjes klom organisator Bram Wiekens in de pen en maakte hierover onderstaand gedicht:

Dag lu,

Dit verhoaltje mout ik echt even aan joe kwiet Want volgende weke is t al weer zo wied Den opent Pekelder Proatcafé in de Binding in Olde Pekel zien deuren. Benijd wat je – vanòf 19.30 uur – kriegen te zain en te heuren? Veur n vievie – €5 – kinnen je van beelden van t Olde Pekel van 40 joar leden pruiven.

Wel konden we as gastspreker beter as Ger Blokziel veur zo’n klusje nuigen Hai holdt nog n zetje verrazzens onder zien pet. Bevubbeld wel Menno Stutje zien koelbakke noar Pekel brocht het. Ook van t schoonwotter-feest wait hai t ain en t aander te vertellen. En meschain is der ook nog wat van ontwikkelns van strokertonfebrieken te melden

Ger nemt joe geern op zien foto-raaize mit noar de tied van dou. Dinsdag 26 november kinnen ie doarveur noar t Pekelder Proatcafé tou

Ook schriever Bram Wiekens holdt weer n verhoal oet de olde deust Verschrikkelke verhoal van band-, goaren- en elastieken man is zien keus

Even ontspannen tussen de bedrieven kinnen ie mit onze spesioale gast Bob Heidema, de man dij zien publiek zo groag mit Grunneger laidjes verrast.

Verras joezulf mit n bezuik

Veurberaaidenkemizzie

Het eerder geplaatst persbericht:

Pekelder Proatcafé is t stee, woar elkenain welkom is en zok ook thoes voulen mag. Dé plek, woar je n òfwizzelnd pergram veurschuddeld kriegen. Woar sprekers joe mitnemen op n raaize noar t interessante verleden van Pekel, woar vertellers veur t voutlicht kommen en muzikanten n podium kriegen.

Op 26 november 2019 is t weer zo wied en worden joe van haarten nuigd in dörpshoes ‘De Binding’ aan Sportloan 4 in Olde Pekel.

Oavend begunt om 19.30 uur ( inloop vanòf 7 uur )

Pergram veur dizze oavend zugt der zo oet:

  • Ger Blokzijl, old-verslaggever van ondermeer Pekelder Blad let foto’s zain van t Olde Pekel van de joaren ’70. Ger, opgruid in t Pekel van de 60-er en 70-er joaren wil de tied van dou mit zulfmoakte foto’s – kiekjes volgens aigen zeggen – vannijs leven loaten. Hai hoopt dat de beelden bie de mìnsen veul olde, mor veural weerdevolle herinnerns noar boven brengen.
  • Schriever Bram Wiekens zet mit zien verhoal de tiedsklokke zulvens nog n stokje verder terogge, noar de tied zo rond 1960.
  • Muziek wordt verzörgd deur intussentied wel bekìnde Grunneger zanger en entertainer Bob Heidema

Wie zain joe groag op 26 november

Ingezonden door Bram Wiekens

Op het beeldmateriaal op de website van RTV Westerwolde rusten auteursrechten.