Specioale Diverdoatsie op zoaterdag 28 meert

Foto: Catharina Glazenburg

STUDIO RTV WESTERWOLDE – Op zoaterdag 28 meert is der om 09.00 uur weer een oetzending van het programma “Diverdoatstie” bie Radio Westerwolde.

Het wordt een specioale oetzennen, want de prieswinnoars van de Grunniger Schriefwedstried , deur de gemainte “Westerwolde” organiseerd, worden in “Diverdoatsie” bekind moakt. Het is dit moal wat braider trokken, nait allain Westerwolders konnen mitdoun, mor ook oet andere dailen van de provincie moggen luu hun verhoalen en gedichten insturen.

28 meert zol de dag van “Diverdoatsie” wezen , en zollen de prieswinnoars in ’t zunnetje zet worden. Helaas…… dit kin om de “bekinde “ reden nait deurgoan . Het is minder feestelijk, dizze menaier mor veur deigene dei mitdoan hebben is het wel mooi te waiten of ze in de priezen vallen binnen.

Onze wetholder van Cultuur, Giny Luth, zel de noamen bekind moaken en het jury rapport komt ook aan de orde.

Luuk Houwing is der ook bie. Wie binnen hail beneid wat hai ons te vertellen het. Muziek loaten wie ook heuren, oetkozen deur onze geluudsman van dizze morgen: Gert Wubs

Stem dus of op Radio Westerwolde op 28 meert om 09.00 uur.

Soamenstelling en presentoatie van dit programma: Janny de Vries.

(Op de foto de winnaars van de schriefwedstried 2019)

Op het beeldmateriaal op de website van RTV Westerwolde rusten auteursrechten.