Inger Steyn te gast in Diverdoatsie

Eigen Foto

STUDIO RTV WESTERWOLDE – Op Zoaterdag 19 juni is Inger Steyn bie ons te gast in Diverdoatsie. Inger is kunstenares, as joe even op heur webstee kieken zain ie prachtige kunst.

Morgen zel ze der alles over vertellen, ook over heur atelier dei ze in Zelgn, en kin gelukkig weer open veur het publiek.

Din hebben we ook nog een telefonisch interview mit Klaas Spekken, de doatum van het concert  noadert en groag heuren wie hou de stand van zoaken is.

In dit uur ontbrekt de Grunniger muziek natuurlijk  ook nait. Julian Buist zorgt doar veur. Somanstelling en presentoatie van dit programma: Janny de Vries.

Morgen van 09.00-10.00 uur bie “Diverdoatsie” bie RTV Westerwolde.

Op Zoaterdag  5 juni was Hilly Keitz onze gast in Diverdoatsie Veur  mie op toavel   liggen 2 mappen mit prachtige Grunniger  verhoalen , geweldig mooi om te lezen. Ofgelopen weken heb ik doar van genoten. Ik doch  dat zol een mooi bouk kinnen worden….. wel wait……!! Aal dizze verhoalen en gedichten binnen schreven deur Hilly Keitz oet Scheemde.

En mit ain van dizze verhoalen het zai een gedailde daarde pries wonnen mit de schriefwedstried  2021 dei deur de gemainte Westerwolde oetschreven is.

Op zoaterdag 5 juni was zai in het programma “Diverdoatsie “ te gast en het ze verteld over heur schrieverij en aal dei aandere hobby’s  dei zai nog het.  Geweldig dat zai op heur leeftied nog zo actief kin wezen.  Ook Hilly het in het verleden mitwaarkt aan een streektoalprogramma bie Radio Scheemda,  dit was veur heur weer een feest van herkenning.

Wie hebben genoten van heur schrieverij en ze het beloofd nog  ‘n moal weer bie ons te kommen.

De verhoalen en gedichten van aalle schrievers, ook degene dei gain pries  kregen het, binnen vastlegt in een bouk mit haile mooie taikeningen. Janna Kraai oet Vlagtwedde het de verhoalen gedichten veurzain van mooie illustroaties

Dizze morgen was ook Luuk Houwing bie ons en dei had het ook over toal,  mor din over aal het engels wat wie zo dag en deur gebroeken en dat is noag al wat. Wie kwamen tot de conclusie dat dat aigenlieks nait wezen mout, mor ja  …….. het gebeurd gewoon,  ’t is nait aans!

Ook de muziek van grunniger artiesten konnen wie heuren oetzocht deur onze technici  Cees Sweep en Julian Buist.

Janny de Vries

Op het beeldmateriaal op de website van RTV Westerwolde rusten auteursrechten.